Сяргей Каваленка адпушчаны дадому, суд над ім - 5 сьнежня

Высьветліўся лёс актывіста Кансэрватыўна-хрысьціянскай партыі БНФ Сяргея Каваленкі. 25 лістапада ён усё-такі паўстаў перад судом. У Першамайскім судзе Віцебску Сяргей Каваленка заявіў хадайніцтва аб прыцягненьні да працэсу адваката. Суд задаволіў хадайніцтва і перанёс разьбіральніцтва па справе на 5 сьнежня. Самога Каваленку да наступнага судовага паседжаньня адпусьцілі дахаты.

Сяргей Каваленка абвінавачваецца ў брыдкаслоўі. Напярэдадні ўвечары міліцыянты вывалаклі яго з дому і адвезьлі ў Першамайскі РАУС для складаньня пратаколу, а пасьля - у ізалятар часовага ўтрыманьня, дзё ён правёў ноч. Цягам доўгага часу блізкія Каваленкі не маглі даведацца ад кампэтэнтных ворганаў выразных зьвестак наконт месцазнаходжаньня актывіста і даты суду над ім.

“За правы чалавека”