Каля віцебскай калоніі – улёткі ў падтрымку Андрэя Саннікава (фота)

Мясцовыя актывісты “Еўрапейскай Беларусі” развесілі каля калоніі Віцьба-3 некалькі дзесяткаў улётак з партрэтам зняволенага палітыка і надпісам “Андрэй Саннікаў – наш прэзідэнт!”

Улёткі былі вывешаны на дрэвах побач з плотам вакол калоніі, на прыпынках грамадскага транспарту, уздоўж дарогі, якая йдзе з Віцебску ў бок пасёлка Віцьба.

Нагадаем, 23 лістапада былы кандыдат у прэзідэнты Андрэй Саннікаў  быў пераведзены ў калонію пад Віцебскам; у той самай калоніі “Віцьба-3” некалькі год таму адбываў пакаранне  і Аляксандр Казулін, удзельнік пазамінулай прэзідэнцкай  выбарчай кампаніі.