Міліцыянты гвалтам узялі адбіткі пальцаў
Філіпа Кірдуна у суботу 12 лістапада выклікалі ў Гарадскі аддзел міліцыі №1 УУС Фрунзенскага раёна Мінска нібыта па пытаньні, зьвязаным з ваенкаматам. На месцы высьветлілася, што справа тычылася зняцьця адбіткаў пальцаў.
Год таму Філіп адмовіўся праходзіць дактыласкапію па рэлігійных перакананьнях і напісаў свае тлумачэньні супрацоўнікам міліцыі.
Міліцыянты Бірчанка Аляксандр Мікалаевіч і Доўнар Сяргей Сяргеевіч спачатку спрабавалі запалохаць хлопца, штурхалі яго па кабінеце. Аднак, калі гэта не дапамагло, яны вырашылі апрануць на Філіпа Кірдуна кайданкі, і прымусова зьняць адбіткі пальцаў.
Пасьля зняцьця адбіткаў юнака пакінулі ляжаць на падлозе позе “ластаўка” цягам 2 гадзінаў. Пасьля Філіпа зьмясьцілі ў ізалятар ГАМ і адмовілі ў паведамленьні родным аб ягоным месцы знаходжаньня. На хлопца склалі пратакол па арт. 17.1 КаАП РБ (“Дробнае хуліганства”).
