27 чэрвеня ў Гарадзенскім абласным судзе адбудзецца разгляд касацыйнай скаргі астравецкага актывіста Івана Крука

Іван Крук кіраваў ініцыятыўнымі групамі па збору подпісаў ў сваім раёне на апошніх прэзыдэнцкіх выбарах. Нагадаем, што рашэньнем Лідзкага раённага суда Іван Крук быў засуджаны да 6 месяцаў турэмнага арышту паводле крымінальнай справы за нібыта "гвалт над супрацоўнікамі міліцыі". Аднак, пад варту Крук пакуль узяты ня быў, застаючыся на свабодзе да разгляду касацыйнай скаргі. Яе вынікі будуць абвешчаны ў бліжэйшы аўторак у 9.30.