Галадоўка пратэсту супраць крымінальнага перасьледу актывістаў "Маладога фронту", якая працягвалася з 29 траўня, спыненая

У сувязі з пагаршэньнем стану здароўя некаторых галадоўнікаў акцыю пратэсту супраць крымінальнага перасьледу актывістаў "Маладога фронту" вырашылі спыніць. Дадатковай прычынай спыненьня галадоўкі стаў ціск уладаў на гаспадыню менскай кватэры, дзе галадавалі маладафронтаўцы.
Лідэр "Маладога фронту" Зьміцер Дашкевіч паведаміў, што спыненьне галадоўкі не азначае адмовы ад іх патрабаваньняў да ўладаў, моладзевая акцыя будзе працягвацца. Яны гатовыя выставіць у судзе да тысячы сьведкаў, якія скажуць, што знаходзяцца ў незарэгістраванай арганізацыі "Малады фронт".