У Брэсце затрыманы Вадзім Рабцэвіч

У Брэсце затрыманы актывіст гарадской арганізацыі Беларускай партыі левых "Справядлівы свет" Вадзім Рабцэвіч, які расклейваў улёткі з інфармацыяй пра дату і месца правядзення ў горадзе Народнага сходу.

Пра сваё затрыманне Рабцэвіч паспеў паведаміць праваабаронцу Уладзіміру Малею, які патэлефанаваў у Ленінскі РАУС Брэста, дзе гэтую інфармацыю пацвердзілі. Супрацоўнікі міліцыі зазнычылі, што ў дачыненні да Вадзіма Рабцэвіча складзены адміністратыўны пратакол за парушэнне парадку арганізацыі або правядзення масавага мерапрыемства альбо пікетавання. Малей таксама даведаўся, што Рабцэвіча будуць трымаць у ізалятары часовага затрыманьня да 6 кастрычніка, калі адбудзецца суд на актывістам апазіцыйнай партыі.

Варта дадаць, што за апошнія дні гэта ўжо другі выпадак у Брэсце, калі супрацоўнікі міліцыі затрымліваюць сябраў Беларускай партыі левых "Справядлівы свет" за распаўсюд улётак пра Народны сход. 4 кастрычніка намеснік старшыні гарадской арганізацыі Лявонцій Чыпурных быў асуджаны за гэта на пяць сутак адміністратыўнага арышту.