Баранавіцкіх чыноўнікаў запрасілі на Народны сход

3 кастрычніка старшыня аргкамітэта па правядзенні Народнага сходу ў Баранавічах Віктар Мезяк накіраваў старшыні гарвыканкама Віктару Дзічкоўскаму і старшыні гарсавета Аляксандру Селіфонтаву запрашэнні на ўдзел у сходзе.

У лісце да мясцовых чыноўнікаў паведамляецца, што сход адбудзецца 8 кастрычніка 2011 года ў 13:00 у Старым парку горада па вуліцы Камсамольскай у адпаведнасці з законам “Аб масавых мерапрыемствах у Рэспубліцы Беларусь”. На гэтым сходзе будуць прысутнічаць жыхары дома 55 вуліцы Баранава, дома 105А вуліцы Савецкай, д.35/2 вуліцы Наканечнікава, дома 3 завулака Слясарнага.

Віктар Мезяк распавёў праваабаронцам, што падчас сустрэчы з насельніцтвам кіраўніцтва Баранавіч будзе мець магчымасць адказаць на пытанні людзей і выказаць сваё бачанне сацыяльна-эканамічнага становішча ў горадзе і Беларусі.