Працяг суду над апошнім з фігурантаў “масавых беспарадкаў”
Святаслаў Барановіч
28 верасня ў судзе Маскоўскага раёна Менска працягнецца працэс па справе Святаслава Барановіча, фігуранта “масавых беспарадкаў”, які зараз знаходзіцца пад падпіскай аб нявыяздзе. Пачатак суда – а 10-ай гадзіне.
Судовы працэс распачаўся 29 жніўня на чале з суддзёй Аленай Рудніцкай, з боку абвінавачання - пракурор Серакоў. Па справе праходзяць 30 пацярпелых супрацоўнікаў праваахоўных органаў, але толькі 12 з іх з’явіліся на першае паседжанне. У выніку суддзя перанесла працэс на 28 верасня, задаволіўшы хадайніцтва адваката пра змену меры стрымання на падпіску аб нявыездзе.
Святаслаў Барановіч з 15 чэрвеня ўтрымліваўся пад вартай у СІЗА № 1 на Валадарскага. Яму прад’яўлена абвінавачанне па частцы 2 артыкула 293 Крымінальнага кодэкса – “удзел у масавых беспарадках”, што караецца пазбаўленнем волі на тэрмін ад трох да васьмі гадоў.
