Валер Леванеўскі патрабуе завесьці крымінальныя справы супраць начальнікаў трох беларускіх калоній

Былы палітвязень Валеры Леванеўскі, вызвалены 15 траўня з калоніі, накіраваў адпаведныя заявы ў органы пракуратуры, якія назіраюць за законнасьцю ў Гарадзенскім сьледчым ізалятары, а таксама ў Магілёўскай і Івацэвіцкай калоніях. Па меркаваньню Валеры Леванеўскага, адміністрацыя папраўчых установаў не толькі парушае правы вязьняў, а менавіта яна зьяўляецца кузьняй злачыннасьці ў нашай краіне.

23 траўня Валер Леванеўскі і Аляксандар Васільеў, якія адбывалі пакараньне за зьнявагу прэзідэнта Аляксандра Лукашэнкі, прымалі ўдзел у прэс-канферэнцыі і прэзентацыі штогадовай справаздачы "Міжнароднай амністыі" на расейскай мове "Правы чалавека ў сучасным сьвеце" у Маскве.