Партыя БНФ пакінула свой офіс у цэнтры Мінска
Партыя БНФ развіталася са сваім офісам у цэнтры Мінска. Пасля судовых спрэчак з камунальнікамі ўлады прамусілі партыю з’ехаць з «выспы сваободы», якая праіснавала 20 год.
На думку намесніка страшыні Партыі БНФ Рыгора Кастусёва, прыйдзе час, калі замест офіса БНФ будзе створаны музей:
– Му зусім нядаўна атрымалі апошні ліст, дзе прадпісана судовым выканаўцам Мінскага гаспадарчага суда, і начальнікам міліцыі, і камунальнікам заўтра а 10-й гадзіне прыслаць сваіх людзей для прымусовага высялення Партыі БНФ. Калі мы застанемся да заўтра тут, дык мы можам падставіць людзей пад дубінкі. Мы маглі б тут застацца, але мы не хочам рабіць карцінку, не хочам паступаць так, каб улады паступілі па сваім сцэнары. Адчуванне на душы не вельмі прыемнае, але ў той жа час ёсць і спадзяванне, што ўсё будзе добра. Будзе час, калі мы сюды вернемся. Зразумела, тут ужо будзе не офіс, але музей – часы будуць новыя.
Па словах старшыні Партыі БНФ Аляксея Янукевіча, новы офіс партыі будзе знаходзіцца па адрасе вуліца Крапоткіна, 93а. Яго ўрачыстая прэзентацыя адбудзецца 25 жніўня гэтага года.
