МІНЮСТ АДКЛІКАЎ ЗЫСК АБ ЛІКВІДАЦЫІ "САЮЗУ БЕЛАРУСКІХ ПІСЬМЕНЬНІКАЎ"!!!

Сёньня, 22 траўня, у 14.30 у Вярхоўным судзе Беларусі адбылося чарговае паседжаньне па зыску Мінюсту аб ліквідацыі найстарэйшай творчай арганізацыі Беларусі - ГА "Саюз беларускіх пісьменьнікаў".

На паседжаньні выступіў прадстаўнік Мінюсту Аляксандр Харытон, які зачытаў хадайніцтва міністэрства, падпісанае міністрам юстыцыі Віктарам Галаванавым, аб адкліканьні зыску аб ліквідацыі арганізацыі. Падставы, выкладзеныя ў хадайніцтве: "Саюз беларускіх пісьменьнікаў" выправіў зробленыя раней заўвагі, і Мінюст, прыняўшы гэта даведама, а таксама звароты сяброў СПБ аб захаваньні арганізацыі, вырашыў адклікаць зыск. Судзьдзя Ігар Мільто задаволіў хадайніцтва і адзначыў, што Мінюст больш ня мае права вылучаць падобныя прэтэнзіі да арганізацыі.