Палітзьняволены Валеры Леванеўскі выйшаў на волю

15 траўня, пасьля двух гадоў зьняволеньня за паклёп на прэзідэнта, палітвязень Валеры Леванеўскі быў выпушчаны на свабоду.

Яго паднялі перад агульным пад'ёмам каля 6-й раніцы і да сьняданьня, якое ў папраўчай калёніі Воўчыя норы, Івацевіцкага раёну пачынаецца ў 6:30, павезьлі ў суседні райцэнтар -- Слонім. Валер Леванеўскі змог патэлефанаваць сыну Ўладзімеру і паведаміць, што сустракаць яго трэба будзе не ў Івацэвічах, а ў Слоніме. У горад на аўтаваказал палітвязьня прывезьлі машынай хуткай дапамогі ў 7:20. (Радыё Свабода)