Віцебская і магілёўская моладзь правяла флэш-мобы ў падтрымку газеты "Наша Ніва"

Каля двух дзясяткаў удзельнікаў пратэсту супраць уціску ў дачыненьні да найстарэйшай беларускай газэты, сабраліся 13 траўня а 17-й вечара ў цэнтры Віцебску, на прыступках тэатра імя Якуба Коласа. Яны пачалі чытаць "Нашу Ніву", пасеўшы на паасобнікі "Советской Белоруссии". На ўдзельнікаў флэш-мобу з цікаўнасьцю пазіралі мінакі, а ахоўнікі правапарадку за час акцыі так і не зьявіліся ў полі зроку. Празь дзесяць хвілін хлопцы і дзяўчаты падняліся, дэманстратыўна парвалі нумары "СБ" і занесьлі абрыўкі ў сьметніцу, а потым разьбегліся, забраўшы з сабой асобнікі "Нашай Нівы".

12 траўня ўвечары ў Магілёве таксама адбыўся флэш-моб в падтрымку выданьня. Магілёўцы выкідвалі дзяржаўную прэсу ў сьметніцы і чыталі "Нашу Ніву".