У Жытоміры збіралі подпісы за вызваленне палітвязняў у Беларусі

19 чэрвеня жытомірская група Amnesty International правяла акцыю па зборы подпісаў за неадкладнае і безумоўнае вызваленне ўсіх палітычна зняволеных беларусаў. Па заканчэнні акцыі сябры Міжнароднай Амністыі адправілі поштай усе петыцыі з подпісамі жыхароў Жытоміру у Амбасаду Рэспублікі Беларусь ва Украіне, як да афіцыйнага прадстаўніцтва беларускіх уладаў у краіне-суседцы.

Беларус Ігар Коктыш, які пакуль вымушаны жыць у Жытоміры, выказаў падзяку ўсім неабыякавым жыхарам гораду, якія паставілі свае подпісы пад петыцыяй. Спадар Коктыш мяркуе, што ціск на беларускі рэжым з боку большасці краін свету, а тым больш суседніх дзяржаваў, дапаможа беларусам хутчэй дамагчыся свабоды.

Відэа з акцыі можна праглядзець па наступнай спасылцы.