Праваабарончая праграма“Людзьмі звацца!” на Радыё Рацыя
Кожны аўторак у 15:05 ў эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з рубрык “Хроніка пераследу”, "Падзея тыдня", “Асоба. Дзяржава. Грамадства” і “Рэха Плошчы”.
У гэтым выпуску:
Суд над журналістам Андрэем Пачобутам распачаўся на мінулым тыдні ў Гародні. Суддзя браў перапынак у працэсе для ўдакладнення абвінавачання. Аднак, па словах адваката, кваліфікацыя злачынства засталася ранейшай. Пра гэта ды іншыя гучныя факты парушэння правоў чалавека на мінулым тыдні - у “Хроніцы пераследу”.
Беларускія праваабаронцы абмеркавалі з замежнымі дыпламатамі бягучую сітуацыю ў краіне. Сустрэча праходзіла з нагоды 15-годдзя дзейнасці ПЦ “Вясна”. Дыпламаты адзначылі, што лічаць “Вясну” сваім саюзнікам у праваабарончай дзейнасці. Падрабязнасці - у рубрыцы “Падзея тыдня”.
Госць рубрыкі “Чалавек. Дзяржава. Грамадства” – сябра Нарвежскага Хельсінкскага камітэта Бэрыт Ліндэрман, якая на мінулым тыдні наведала Беларусь. Ад моманту папярэдняга візіту нарвежскай праваабаронцы ў нашу краіну прайшло паўгады. Якія змены ў сітуацыі з правамі чалавека адбыліся за гэты час? Пра гэта – гутарка са спн. Ліндэрман.
Вынікі разгляду касацыйных скаргаў палітвязняў, асуджаных за Плошчу-2010 - у рубрыцы “Рэха Плошчы”.
У музычных паўзах – кампазіцыі гурта Indiga з альбома “Дні”.
Слухаць выпуск:
