За зламаную руку ўсё ж нехта панясе адказнасць?

Маладэчанец Ян Лагвіновіч, які пацярпеў падчас жорсткага разгону на Плошчы – у яго была зламана рука, атрымаў адказ на сваю скаргу аб адмове ва ўзбуджэнні крымінальнай справы на супрацоўнікаў міліцыі. Пракуратура на гэты раз паведаміла: “Вывучэннем матэрыялаў аб адмове ва ўзбуджэнні крымінальнай справы ўстаноўлена, што праверка па іх праведзена не поўная. Матэрыялы накіраваны для правядзення дадатковай праверкі”.

Ян спадзяецца, што вінаватыя ў катаванні і жорсткім абыходжанні супрацоўнікі органаў унутраных спраў усё ж будуць прыцягнуты да адказнасці.

“Праваабарончая хроніка”