Праваабаронца шукае тэкст выканкамаўскага рашэння

Амаль год праваабаронца Алег Мацкевіч (на фота) шукае тэкст рашэння Барысаўскага райвыканкаму "Аб парадку правядзення масавых мерапрыемстваў у Барысаўскім раёне» і цяпер вымушаны звярнуцца да раённай вертыкалі з адпаведным запытам.
 
"Летам мінулага года ў адказ на мой зварот з нагоды рашэння аб вызначэнні месца правядзення масавых мерапрыемстваў мне было заяўлена, што ёсць рашэнне № 851 ад 13 ліпеня 2010 года, - распавядае Алег Мацкевіч. - У адказе таксама гаварылася аб тым, што «пасля праходжання абавязковай юрыдычнай экспертызы прынятае рашэнне будзе апублікавана ў СМІ». Да гэтага часу тэкст рашэння мне знайсці не ўдалося. У мясцовай выканкамаўскай газеце я яго не бачыў ».
 
Праваабаронца вымушаны быў звярнуцца ў Барысаўскі райвыканкам з запытам, у якім просіць паведаміць, у якім сродку масавай інфармацыі было апублікавана рашэнне № 851 "Аб парадку правядзення масавых мерапрыемстваў у Барысаўскім раёне».
 
«Праваабарончая хроніка»