Віктар Шэндэровіч падпісаў паштоўкі палітвязням
Вядомы пісьменнік, журналіст, лаўрэат прэміі “Тэфі” Віктар Шэндэровіч падпісаў некалькі паштовак, якія ужо сёння накіруе ў беларускія турмы.
Паводле Шэндэровіча, ніхто не мае права забараніць беларусам быць свабоднымі, таму афіцыйны Мінск абавязаны неадкладна спыніць палітычны пераслед.
- Ёсць рэчы, якія датычаць у нейкай ступені кожнага чалавека. Непрыязнасць да аўтарытарнага рэжыму, непрыязнасць да рэжымаў, якія пагардліва ставяцца да правоў чалавека і ў грош не ставяць чалавека — гэта адно. Іншая справа, калі ты ведаеш, што тваіх сяброў, тваіх добрых сяброў, мучаюць. Калі здзекуюцца і топчуць нагамі іх права, іх жыццё. Для мяне ў гэтым сэнсе беларускія палітвязні не абстрактныя асобы: я ведаю гэтых людзей, з некім маю гонар сябраваць. І для мяне патрабаванне іх свабоды — натуральнае, чалавечае патрабаванне»,
Паводле Віктара Шэндэровіча, кожны народжаны чалавек надзелены неад’емнымі правамі, адабраць якія не можа аніводнае палітычнае кіраўніцтва. Вядомы расейскі тэлевядучы мае намер і далей удзельнічаць у акцыях салідарнасці з асуджанымі за падзеі 19 снежня, у тым ліку праз далучэнне да кампаніі, арганізавай сайтам салідарнасці са зняволенымі – pashtouka.org, праз які кожны чалавек можа бясплатна напісаць ліст арыштаваным.
