viasna on patreon

Міністэрства замежных спраў Польшчы і Управа Радыё Рацыя прынялі заявы ў абарону журналіста Яўгена Вапы

2011 2011-05-26T19:09:00+0300 1970-01-01T03:00:00+0300 be https://spring96.org/files/images/sources/wapa.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Старшыня Управы Беларускага Радыё Рацыя, старшыня Беларускага Саюза ў Польшчы Яўген Вапа

Старшыня Управы Беларускага Радыё Рацыя, старшыня Беларускага Саюза ў Польшчы Яўген Вапа

24 траўня МЗС Польшчы і Управа Радыё Рацыя прынялі заявы з нагоды анулявання візы журналісту Яўгену Вапу, старшыні ўправы Радыё Рацыя. 23 траўня яго не пусцілі ў Беларусь, куды спадар Вапа накіроўваўся ў службовую камандыроўку. Яўгену Вапу забаранілі ўезд у краіну на нявызначаны тэрмін.  

 Публікуем поўны тэкст заяваў.



Міністэрства замежных спраў Польшчы заклапочанае ануляваннем беларускай візы журналісту Яўгену Вапу, старшыні ўправы Радыё Рацыя.
Лічым гэты інцыдэнт за чарговы, разам з арыштам Андрэя Пачобута, крок беларукіх уладаў, скіраваны супраць свабоды слова. Гэтыя абмежаванні лічым парушэннем асноўных грамадзянскіх свабод і правоў.
Забарона ўезду ў Беларусь для Вапы пацвярджае, што рэжым імкнецца да абмежавання доступу грамадзян да незалежнай інфармацыі ў часе, калі ў Беларусі паглыбляецца гаспадарчы крызіс і працягваюцца рэпрэсіі супраць апазіцыі.

Міністэрства Замежных Спраў Польшчы

***

Заява Беларускага Радыё Рацыя ў сувязі з ануляваннем уязной візы Яўгену Вапу і бестэрміновай забаронай на ўезд у Рэспубліку Беларусь

Шаноўнае спадарства,

учора, 23 траўня 2011 г., беларускія памежныя службы анулявалі Яўгену Вапу – старшыні ўправы Радыё Рацыя і галоўнаму рэдактару Тыднёвіка беларусаў у Польшчы «Ніва», уязную візу.

Яўген Вапа з’яўляецца таксама грамадскім дзеячом беларускай нацыянальнай меншасці ў Польшчы і старшынёю Беларускага саюза ў Рэспубліцы Польшча, таму дзеянні адміністрацыі Аляксандра Лукашэнкі ўспрымаем як варожы акт не толькі ў дачыненні да еўрапейскіх і дэмакратычных каштоўнасцяў, не толькі ў дачыненні да незалежных СМІ, але таксама і ў дачыненні да беларускай меншасці ў Польшчы.

Яўген Вапа мяркуе, што ануляванне візы і зафіксаванне ягонай асобы ў спісе непажаданых у Беларусі асоб з’яўляецца адказам на дзейнасць незалежных СМІ, якія вяшчаюць на тэрыторыю Беларусі.

Вось выказванне самога Яўгена Вапы пра гэты інцыдэнт:

– Гэты інцыдэнт мае дачыненне да таго, што Беларускае Радыё Рацыя, што вяшчае з Беластока і Белай-Падляшскай, з’яўляецца рэальным СМІ, якое пастаўляе беларускаму грамадству незалежную і аб’ектыўную інфармацыю. Я не бачу ніякай іншай прычыны, па якой мне адмовілі ўезд на тэрыторыю Беларусі. У мяне была службовая віза, якую я аформіў па запрашэнні Згуртавання беларусаў свету «Бацькаўшчына».

Шаноўнае спадарства,

беларускія памежныя службы анулюючы Яўгену Вапу ягоную візу паведамілі, што пра прычыны гэтага дзеяння можна даведацца ў Пасольстве Рэспублікі Беларусь у Варшаве. Аднак беларускае пасольства адмовілася адказваць на пытанне пра прычыны.

Заклікаем Вас не заставацца абыякавымі да гэтай справы – акажыце сваю салідарнасць пацікавіўшыся гэтай сітуацыяй, у якой беларуса – грамадзяніна Польшчы, старшыню Беларускага саюза ў Рэспубліцы Польшча, журналіста, пазбаўляюць права на ўезд у Рэспубліку Беларусь.

Лічым, што Пасольства Рэспублікі Беларусь у Варшаве павінна – згодна інфармацыі беларускай памежнай службы – патлумачыць прычыны, па якіх Яўгена Вапу прызналі непажаданай у Беларусі асобай.

Управа Беларускага Радыё Рацыя.

Беласток, 24 траўня 2011 г.

***
Сам Яўген Вапа наступным чынам патлумачыў з'яўленне гэтага закліку:

- Наша заява – гэта перадусім зварот да сяброў журналістаў, каб можа і яны паспрабавалі даведацца, што было прычынай анулявання для мяне візы. І гэты заклік ёсць для таго, каб пазваніць у пасольства Беларусі ў Варшаве, бо туды мяне памежнікі накіравалі, каб атрымаць інфармацыю.


Апошнія навіны

Партнёрства

Сяброўства