У пінскім Доме культуры шточацьвер праводзяць палітінфармацыі

Ідэолагі пінскага выканкама спрабуюць узмацніць ідэалагічную апрацоўку пінчукоў. Згодна з прапановай пінскіх чыноўнікаў, на дзяржаўных прадпрыемствах і ўстановах гораду павінны часцей праводзіцца дні інфармавання. Напрыклад, у гарадскім Доме культуры такія “крытычныя” дні адбываюцца шточацьвер. У гэты дзень перад калектывам гэтай установы культуры выступае намеснік дырэктара ГДК і распавядае аб сітуацыі ў горадзе і краіне і тлумачыць рашэнні чыноўнікаў рознага ўзроўня.

“Праваабарончая хроніка”