Магілёўскія актывісты “Гавары праўду” нагадалі пра палітычныя суды

У суботу і нядзелю (14-15 траўня) актывісты кампаніі “Гавары праўду” нагадалі жыхарам Магілёва пра палітычныя працэсы над лідэрамі кампаніі – Уладзімірам Някляевам, Аляксандрам Фядутам, Андрэем Дзмітрыевым і Сяргеем Вазняком.

Агулам у раёне бульвара Непакораных і праспекце Шмідта было расклеена каля 200 плакатаў з фотаздымкамі палітвязняў з надпісам “Іх судзяць за праўду”.

Актывісты кампаніі адзначаюць, што яны імкнуліся клеіць плакаты на дошкі аб’яваў, і там, дзе суботнія плакаты зрываліся, у нядзелю на іх месцы з’яўляліся новыя.

“Праваабaрончая хроніка”