Шарамета “абліла брудам” і салігорская афіцыйная прэса

Пасквіль на вядомага журналіста і стваральніка папулярнага сайту “Беларускі партызан” пад назвай “Шарамет - хлус. Штрыхі да партрэта” змясціла ў №76 - 80 салігорская раёнка “Шахцёр”.
“Павел Шарамет - ілжэ. Як дасведчаны журналіст, хлусіць прафесійна. Спецыяльна для гэтага стварыў сеткавай рэсурс «Беларускі партызан”. На ім збірае фальшыўкі, пакуе іх у выглядзе артыкулаў і выпускае ў тыраж,” - піша на старонках выканкамаўскай прэсы невядомы журналіст пад псеўданімам Вадзім Іваноў. Сярод іншага аўтар пасквіля акцэнтуе асаблівую ўвагу на адной з многіх версій Паўла Шарамета аб магчымай датычнасці да тэракту ў мінскім метрапалітэне адзіночкі з шэрагаў апазіцыі.
“Спадар Шарамет хлусіць і ведае, што хлусіць. Робіць гэта свядома, ашчадна і стрымана,” - падсумоўвае Вадзім Іваноў і паступова  пачынае пераймацца шальмаваннем інтэрнэт-рэсурсу “Беларускі партызан”. - "Партызан" - зручная пляцоўка для паклёпу, якой адпрацоўваюць свае цёплыя месцы “гнаныя уладай палітэмігранты”. Напрыканцы артыкулу аўтар і ўвогуле пачынае заклікаць чытальнікаў газеты ледзь не да крымінальшчыны: “Вялікая просьба да ўсіх беларусаў: калі хто сустрэне Шарамета ў Маскве - плюньце ў яго самазадаволеную пысу.”
Аналіз дадзенага матэрыялу, а таксама аналагічных істэрычных артыкулаў у іншых рэгіянальных выданнях, дае падставы сцвярджаць аб дзяржаўным загадзе па дыскрэдытацыі вядомага беларуска-расійскага журналіста і створанага ім незалежнага інфармацыйнага рэсурсу. Падобна на тое, што аўтарам усіх гэтых артыкулаў у розных выданнях увогуле з’яўляецца адзін чалавека. Пасквілі былы цэнтралізавана разасланыя ў рэдакцыі і змешчаны ў іх пад рознымі псеўданімамі.

“Праваабарончая хроніка”