Праваабаронца адзначае Дзень Перамогі марафонскім бегам
Праваабаронца-марафонец Уладзімір Малей
Юрыст Праваабарончага цэнтра “Вясна” Уладзімір Малей з Маларыты адзначае Дзень Перамогі ва Украіне, дзе ў Ковелі адбываецца міжнародны марафон.
У марафонскім забегу на 10 кіламетраў прымаюць удзел аматары бегу з Беларусі, Польшчы, Расіі і Украіны, пры гэтым Беларусь прадстаўлена 4 марафонцамі з клуба “Маладосць” (Маларыта).
Арганізатарамі марафонскага бегу выступілі адміністрацыя Валынскай вобласці, клуб аматараў бегу з Ковеля. Мэта мерапрыемства – з’яднанне народаў.
Праваабаронца Уладзімір Малей ужо 9 гадоў удзельнічае ў падобных спаборніцтвах. Нядаўна ён прыняў удзел у марафонскім бегу ў Італіі, а ў 2012 годзе плануе адзначыць юбілейны 100-ты стакгольмскі марафон у Швецыі.
А пакуль Праваабарончы цэнтр “Вясна” жадае свайму калегу перамог ва Украіне.
