Сябра ініцыятыўнай групы Някляева з Івацэвічаў Станіслаў Халадовіч знайшоўся ў Жодзіна
https://spring96.org/be/news/40102
2010
2010-12-23T18:52:00+0200
2010-12-23T18:52:00+0200
1970-01-01T03:00:00+0300
be
Па інфармацыі сябры Беларускага хельсінскага камітэта з Брэста Валянціна Лазарэнкава, сёння ўдалося даведацца, дзе знаходзіцца сябра ініцыятыўнай групы Уладзіміра Някляева – грамадскі актывіст з Івацэвічаў Станіслаў Халадовіч.
– Ён знаходзіцца ў Жодзіне і прысуд атрымаў на 15 сутак. Гэтае паведамленне дае магчымасць нам перадаць яму, хаця б, ваду, нейкія цёплыя рэчы, тое, што мы будзем лічыць неабходным.
Як сказаў Валянцін Лазарэнкаў, яны былі разам з Халадовічам на плошчы, 20 снежня ад Станіслава Халадовіча паступіў званок, што ён знаходзіцца на Акрэсціна, затым сувязь прапала.
У спісах затрыманых ён да сённяшняга дня не значыўся. Станіслаў Халадовіч – афіцэр міліцыі ў адстаўцы.
