Бабруйск: Таісію Кабанчук выклікалі да пракурора
Увечары 18 снежня Таісію Кабанчук, давераную асобу Віталя Рымашэўскага, выклікалі да пракурора.
- Прыйшлі супрацоўнікі міліцыі, начальнік аддзела правапарадку УУС гарвыканкама Андрэй Малахаў і намеснік начальніка УУС гарвыканкама Сяргей Малішэўскі, - распавядае Таісія Кабанчук. – Сказалі, што прынеслі павестку да выконваючага абавязкі пракурора Ленінскага раёна Аляксея Рудкоўскага, да якога мяне выколікаюць у якасці сведкі па адміністрацыйнай справе. Там пазначаны час, на 19.30. міліцыянеры сцвярджаюць, што я зараз, неадкладна, мушу з імі пайсці.
Таісія Кабанчук адмовілася ехаць да пракурора. Ёй стала
вядома, што адміністрацыйная справа, па якой яе выклікаюць, звязаная з яе выказваннямі
наконт плошчы падчас сустрэчы з Кастусёвым. На сустрэчы у той дзень з
ідэалагічнага апарата прысутнічаў толькі Аляксандр Маркачоў. Мяркуецца, што
адміністратыўная справа з'явілася з яго падачы.
- Я сказала на сустрэчы з Кастусёвым, "мужыкі, будзьце мужыкамі, і змяняйце
сітуацыю рашуча", - працягвае распавядаць жынчына. - А яны прыпісалі мне,
што я сказала пра 300 чалавек, якія гатовыя ехаць са мной на плошчу. Але такога
не было.
"Праваабаронцы за свабодныя выбары"
