Маладэчна: Чарговае затрыманне актывістаў

Учора вечарам у Маладэчне міліцэйскі патруль затрымаў апазіцыйных актывістаў Яўгена Каросціка і Дзяніса Лазара, якія на інфармацыйным стэндзе размяшчалі аб’яву аб сустрэчы з выбаршчыкамі давераных асобаў Рымашэўскага.

Хлопцаў даставілі ў аддзяленне міліцыі, дзе правялі асабісты дагляд. Знайшоўшы некалькі налепак з заклікам прыехаць на Плошчу, іх абвінавацілі ў распаўсюдзе гэтых налепак па горадзе, прад’явіўшы фотаздымак такой налепкі, размешчанай у іншым раёне горада.

У аддзяленні актывістаў пратрымалі калі 4 гадзінаў, і, склаўшы пратакол аб парушэнні добраўпарадкавання тэрыторыі, адпусцілі.

На фота: Яўген Каросцік

“Праваабаронцы за свабодныя выбары”