Намесьнік дэкану факультэту маркетынгу, мэнэджменту і прадпрымальніцтва БНТУ займаецца вобыскамі ў інтэрнацкіх пакоях студэнтаў

Студэнту 2 курсу факультэту маркетынгу, мэнэджменту і прадпрымальніцтва БНТУ Яўгену Іванюку, які знаходзіўся на занятках, патэлефанавалі суседзі па інтэрнату (Я. Коласа, 26) і паведамілі, што ў ягоным пакоі намесьнік дэкану разам з невядомымі людзьмі ў цывільным (магчыма, прадстаўнікамі службы бясьпекі ўніверсітэта) праводзіць вобыск.
Калі Яўген Іванюк, пакінуўшы заняткі, накіраваўся ў свой інтэрнацкі пакой, вобыск ужо скончыўся. Намесьнік дэкану знайшоў і забраў з пакою дыск, на якім запісаны выступ кандыдата ў прэзідэнты А. Мілінкевіча.
Пільную ўвагу да сябе студэнт тлумачыць тым, што ён уваходзіў у ініцыятыўную групу Мілінкевіча па зборы подпісаў.