Барысаў. Супрацоўнікі БАТЭ просяць выдаць даведкі аб датэрміновым галасаванні
Назіральнікі ад Руху "За свабоду" і Беларускага Хельсінкскага камітэта, якія назіралі за датэрміновымі выбарамі на ўчастку №7, размешчаным у СШ№16 горада Барысава, сталі сведкамі дзіўнай карціны.
Прыйшоўшыя галасаваць датэрмінова супрацоўнікі заводу БАТЭ прасілі сяброў выбарчай камісіі выдаць ім даведкі, якія пацвярджаюць факт датэрміновага галасавання. Як вядома, такія даведкі камісіявыдаваць не мае права. На пытанне, для чаго патрэбныя падобныя дакументы, супрацоўнікі БАТЭ казалі, што гэта патрабаванне дырэктара прадпрыемства Анатоля Капскага.
Дарэчы, у нядаўнім адказе ЦВК http://spring96.org/be/news/39111 на скаргу праваабаронцы Алега Мацкевіча з нагоды неправамернага правядзення сустрэчы з выбаршчыкамі Анатолем Капскім, даверанай асобай кандыдата Лукашэнкі, гаварылася, што гендырэктар БАТЭ знаходзіцца ў працоўным адпачынку з 1 снежня. Няўжо загадзя выйшаў на працу, каб запатрабаваць ад падпарадкаваных прагаласаваць датэрмінова?
"Праваабаронцы за свабодныя выбары"
