Слонім: Матэрыялы альтэрнатыўных кандыдатаў — знішчаюцца

У Слоніме па-ранейшаму працягваецца знішчэнне агітацыйных плакатаў альтэрнатыўных кандыдатаў на пасаду прэзідэнта. Як паведамілі давераныя асобы Рыгора Кастусёва і Віталя Рымашэўскага -- Іван Шэга і Іван Бедка, плакаты кандыдатаў сарвалі на стэндзе каля РДК, знялі  ў прадуктовых крамах на вуліцах Шасэйнай вуліцы і Даватара, замяніўшы агульным плакатам з выявамі ўсіх кандыдатаў. 

Адначасова па Слоніме паўсюдна вывешваюцца расцяжкі і стэнды са слоганамі дзеючага прэзідэнта: “Голосуй за сильную Беларусь”, “Вместе мы — Беларусь” і іншыя.

“Праваабаронцы за свабодныя выбары”