Наваполацк: Страціць працу – за сустрэчу з апазіцыйным кандыдатам

У Наваполацку 29 лістапада адбылася сустрэча з кандыдатам у Прэзідэнты Рэспублікі Беларусь ад Партыі БНФ Рыгорам Кастусёвым. Мерапрыемства было арганізавана ў Палацы культуры нафтавікоў і працягвалася 2 гадзіны.

На сустрэчу з Кастусёвым прыйшло каля 80-ці чалавек. Прадстаўнікоў улады ў залі не было. Але тыя, хто наважыўся задаць кандыдату пытанні, усе адно іншы раз казалі перад пачаткам: "Я ведаю, што за з’яўленне сюды я магу страціць працу".

Большасць пытанняў да кандыдата былі ананімныя. Выбаршчыкаў цікавілі пытанні пра пабудову АЭС у Беларусі, прыватызацыю зямлі і прадпрыемстваў, дэмаграфічную палітыку. Напрыканцы сустрэчы прагучала "Жыве Беларусь!"

“Праваабаронцы за свабодныя выбары”