Гродзеншчына: Памежны спіс “нядобранадзейных” увесь час расце

14 лістапада на беларуска-літоўскай мяжы быў затрыманы Мікола Баўсюк, актывіст выбарчага штаба Віталя Рымашэўскага. Баўсюка, які вяртаўся ў Беларусь рэйсавым аўтобусам, пасля пашпартнага кантролю на памежным пункце "Прывалка" трымалі каля дзвюх гадзін, праводзілі асабісты дагляд і спраўджвалі рэчы. Пасля дагляду яго ўрэшце ўпусцілі ў Беларусь. Мікола Баўсюк такую пільную ўвагу да сваёй асобы тлумачыць сваім актыўным удзелам у выбарчай кампаніі.

Трэба дадаць, што спіс “нядобранадзейных” грамадска-палітычных актывістаў Гродзеншчыны, якіх затрымліваюць на мяжы і пільна даглядаюць падчас бягучай выбарчай кампаніі, увесь час пашыраецца. Некаторыя з іх, прыкладам сябры Партыі БНФ Вадзім Саранчукоў і Яўген Скрабутан, накіравалі запыты ў Гродзенскі памежны атрад, але ніякага адказу пакуль не атрымалі.

“Праваабаронцы за свабодныя выбары”