Мін'юст не прадставіў у суд дакумэнты пра "Правы альянс"
https://spring96.org/be/news/35721
2010
2010-10-01T12:58:00+0300
2010-10-01T12:58:00+0300
1970-01-01T03:00:00+0300
be
https://spring96.org/files/images/sources/gaspadarchy_sud.jpg
У менскім гаспадарчым судзе адбылося другое пасяджэньне суду паводле пазову Менгарвыканкаму да інфармацыйна-кансалтынгавай установы "Правы альянс".
Менгарвыканкам дамагаецца ліквідацыі ўстановы, абвінавачваючы яе ў палітычнай дзейнасьці. Прадстаўнікі ўстановы "Правы альянс" гэта абвяргаюць і заяўляюць, што ня маюць ніякага дачыненьня да аргкамітэту грамадзкай арганізацыі "Правы альянс" і яе сайту.
Сёньня бакі зноў выклалі сваю пазыцыю і адказалі на пытаньні судзьдзі Васіля Данілюка. Суд перанесены на 15 кастрычніка з-за таго, што Мін'юст не прадставіў у суд дакумэнты аб "Правым альянсе".
Прадстаўнікі ўстановы "Правы альянс" не выключаюць, што 15 кастрычніка будзе пастаўлена кропка ў гэтым працэсе.
