Барысаў: У будучай ініцыятыўнай групе Міхалевіча - 70 чалавек

Колькасць жадаючых працаваць у ініцыятыўнай групе Алеся Міхалевіча ў Барысаве за некалькі дзён павялічылася больш чым у два разы.

Яшчэ ў панядзелак спіс барысаўчан, якія выказалі жаданне працаваць у ініцыятыўнай групе прэтэндэнта Алеся Міхалевіча, налічваў каля трыццаці чалавек. У чацвер, калі спісы ўжо былі канчаткова складзеныя, апынулася, што збіраць подпісы за Міхалевіча хочуць сем дзесяткаў жыхароў горада.

У планах барысаўскай каманды прэтэндэнта няма намеру вылучацца ў сябры ўчастковых выбарчых камісій. «Мы бачым сваю задачу ў тым, каб пазіцыянаваць Міхалевіча як сур'ёзную палітычную фігуру. Таму, галоўнае - як мага большай колькасці людзей распавесці пра Алеся », - кажуць актывісты.

«Праваабаронцы за свабодныя выбары»