Маладэчаншчына: Прадстаўнікі апазіцыі хочуць працаваць у выбарчых камісіях

У Маладэчне і Вілейцы апазіцыйныя актывісты сабралі подпісы выбаршчыкаў для  вылучэння прадстаўнікоў у склад камісій па выбарах Прэзідэнта Рэспублікі Беларусь. Гэта даволі аўтарытэтныя і вядомыя ў сваіх рэгіёнах людзі, якія маюць багаты досвед удзелу ў палітычных кампаніях. 

Кажа сябра Партыі БНФ Ян Лагвіновіч, які быў вылучаны ў Маладэчанскую раённую камісію:

- Не бачу аб’ектыўных прычын, па якіх мая кандыдатура не падыходзіць для працы ў камісіі. Я прымаў удзел у многіх выбарчых кампаніях у якасці назіральніка, даверанай асобы ці кандыдата. Таму лічу сябе адпаведна адукаваным і дастаткова дасведчаным у працэдурах выбарчага працэсу.

Праваабаронца Алесь Капуцкі з Маладэчна мяркуе, што пытанне пра ўключэнне прадстаўнікоў апазіцыі ў выбарчыя камісіі ў чарговы раз будзе вырашана адмоўна. Таксама ён плануе скарыстацца законным правам і паспрабаваць патрапіць на паседжанне, прысвечанае фармаванню камісіяў, якое адбудзецца праз некалькі дзён.

На фота: Алесь Капуцкі і Ян Лагвіновіч

“Праваабаронцы за свабодныя выбары”