Полаччына: Меней ведаеш - лепей спіш

Афіцыйныя сайты гарадскіх і раённых выканаўчых камітэтаў Полацкага рэгіёна не спяшаюцца азнаямляць жыхароў з інфармацыяй пра хуткія выбары прэзідэнта.

“Праваабаронцы за свабодныя выбары” прагледзелі восем рэгіянальных сайтаў. Толькі на адным з іх, сайце Ушацкага райвыканкама,  з’явіўся спецыяльны тэматычны баннер “Выбары Прэзідэнта Рэспублікі Беларусь”. Астатнія размясцілі афіцыйную інфармацыю БЕЛТА пра абвяшчэнне выбараў, рэгістрацыю ініцыятыўных групаў і тэрміны  збору подпісаў. Аднак гэтая інфармацыя патрабуе спецыяльнага пошуку, таму што паўсюль яна патрапіла ў агульную рубрыку “Навіны рэспублікі”, якая штодзённа абнаўляецца. На сайце Полацкага гарадскога выканаўчага камітэта не ўдалося адшукаць увогуле ніводнага артыкула, прысвечанага тэме хуткіх прэзідэнцкіх выбараў.

Цікава, што ні на адным з вышэйзгаданых сайтаў няма ніякіх матэрыялаў, што да 26 верасня грамадзянам можна вылучыць сваіх прадстаўнікоў у адпаведныя тэрытарыяльныя камісіі.

“Праваабаронцы за свабодныя выбары”