Магілёўшчына: Вылучэнне дэмкандыдатаў у склад выбарчых камісій ідзе цяжка
Юрый Новікаў
Пра гэта паведамляе старшыня каардынацыйнай Рады Магілёўскай абласной кааліцыі дэмакратычных сілаў Юры Новікаў.
“Зараз мы, прадстаўнікі дэмакратычных сілаў Магілёўшчыны, займаемся вылучэннем сваіх прадстаўнікоў у склад Магілёўскай абласной і раённых выбарчых камісій, - гаворыць Юры Новікаў, - вылучэнне ідзе цяжка. Гэта звязана з тым, што дэмакратычныя партыі і арганізацыі мінімальна прадстаўлены ў раёнах Магілёўскай вобласці і вельмі часта не маюць юрыдычнай рэгістрацыі. Там жа, дзе ёсць дэмакратычныя актывісты – прыходзіцца вылучаць кандыдатуры ў камісіі шляхам збору подпісаў. Ужо вядома, што вылучаны прадстаўнікі ў склад Кастрычніцкага і Ленінскага раёнаў г. Магілёва і ў склад Магілёўскай абласной выбарчай камісіі”.
Юры Новікаў адзначыў, што вылучэнне дэмакратычных прадстаўнікоў у склад абласной і раённых выбарчых камісій адбываецца ад зарэгістраваных палітычных партый - АГП, БНФ і Беларускай партыі левых “Справядлівы свет”. Вылучае сваіх прадстаўнікоў у камісіі таксама Магілёўскі праваабарончы цэнтр.
“Колькі прадстаўнікоў будзе вылучана ў скалад камісій – пакуль невядома, - адзначае Юры Новікаў, - дакладныя звесткі будуць на руках не раней за 26 верасня, калі працэс вылучэння кандыдатаў у склад камісій будзе скончаны”.
“Праваабронцы за свабодныя выбары”
