Ворша: Ці будзе БХК назіраць за фармаваннем тэрытарыяльных камісій?
Рэспубліканскае грамадскае аб'яднанне "Беларускі Хельсінкскі камітэт" накіравала свайго прадстаўніка Ігара Казмерчака на сумеснае паседжанне Прэзідыума Аршанскага гарадскога Савета дэпутатаў і гарвыканкама, дзе будзе вырашацца пытанне фармавання гарадской камісіі па выбарам Прэзідэнта Беларусі.
У адпаведным лісце РГА "БХК" спасылаецца на арт. 13 ч.1 Выбарчага кодэкса Рэспублікі Беларусь, згодна з якім "падрыхтоўка і правядзенне выбараў Прэзідэнта Рэспублікі Беларусь ... ажыццяўляюцца адкрыта і галосна". РГА "БХК" просіць таксама выканкам і Прэзідыум мясцовага Савета дэпутатаў паведаміць па тэлефоне свайму прадстаўніку час і месца будучага сумеснага паседжання. Ліст быў прыняты 21 верасня і зарэгістраваны ў часопісе уваходнай карэспандэнцыі Аршанскага гарвыканкама.
У адпаведнасці з дзеючым заканадаўствам тэрытарыяльныя выбарчыя камісіі павінны быць сфармаваны не пазней за 29 верасня.
"Праваабаронцы за свабодныя выбары"
