Апазіцыянера не ўзялі ў ініцыятыўную групу Аляксандра Лукашэнкі

Сябра Партыі БНФ з мястэчка Малеч Бярозаўскага раёна Анатоль Сахаруша  вырашыў не толькі ўвайсці ў ініцыятыўную групу прэтэндэнта ў кандыдаты ад сваёй партыі  Рыгора Кастусёва, але і збіраць подпісы за Аляксандра Лукашэнку.

Аб сваім жаданні  ён загадзя паведаміў у Бярозаўскі райвыканкам. Але калі 21 верасня пацікавіўся, ці ўключылі яго ў ініцыятыўную групу,  атрымаў адмоўны адказ. Сахарушы паведамілі, што спіс ініцыятыўнай групы ўжо складзены і накіраваны ў вобласць.

Анатоль Сахаруша вырашыў звярнуцца на прэзідэнцкі сайт са скаргай за адмову.

Ён сцвярджае, што меў намер абсалютна сумленна збіраць подпісы за Лукашэнку, каб асабіста пераканацца, ці сапраўды дзеючы прэзідэнт карыстаецца высокай папулярнасцю сярод насельніцтва.

“Праваабаронцы за свабодныя выбары”