Слухайце штотыднёвую праваабарончую праграму “Людзьмі звацца!” на хвалях Радыё Рацыі
Мінчонак
Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі.
Час выхаду праграмы ў эфір – 15-05. Таксама ў гэты час яе можна слухаць праз інтэрнэт: http://www.racyja.com/pages/listen.html.
У жніўні на час летніх адпачынкаў фармат праграмы крыху зменены.
Сёння, 10 жніўня, у чарговым выпуску слухачоў чакаюць гутаркі з жанчынамі-праваабаронцамі – старшынёй Інавацыйнага цэнтру прававых тэхналогій Аленай Танкачовай, намесніцай кіраўніка Камітэта дапамогі рэпрэсаваным “Салідарнасць” Энірай Браніцкай і супрацоўніцай праваабарончага цэнтру “Вясна” Настай Лойка. У гэтых інтэрв’ю яны распавядаюць пра сваю праваабарончую дзейнасьць, ўласнае разуменне многіх падзеяй у грамадска-палітычным жыцці краіны, а таксама пра арганізацыі, якія яны прадстаўляюць.
Радыё Рацыя – першае незалежнае інфармацыйна-забаўляльнае FM-радыё ў Польшчы на беларускай мове. Галоўнай мэтай Беларускага Радыё Рацыя з’яўляецца стварэнне грамадзянам Беларусі доступу да незалежнай інфармацыі аб падзеях і развіцці сітуацыі ў Беларусі, Польшчы, Еўропе ды свеце.
