Пракуратура падала позву ў суд на кіраўніка Ашмянскага штабу падтрымкі Аляксандра Мілінкевіча

18 і 19 студзеня Пятра Явідовіча выклікалі ў раённую пракуратуру і папярэдзілі, што на яго заведзеная справа за нібыта датэрміновую агітацыю, а таксама за заклік грамадзян да ўдзелу ў несанкцыянаваным сходзе.
Кіраўнік Ашмянскага штаба Аляксандра Мілінкевіча катэгарычна ня згодны з такім абвінавачваньнем: "Я не заклікаў да ўдзелу ні ў якіх несанкцыянаваных сходаў. Мы збіраем подпісы, у тым ліку і ў людных месцах, што ніяк не парушае Выбарчае заканадаўства", - сьцвярджае Пётр Явідовіч.