Глыбоччына: Лічым асобна, але не агучваем

Зміцер Лупач, прадстаўнік  незарэгістраванай партыі БХД, назіраў за працэсам падліку галасоў па Дзеркашчынскай выбарчай акрузе № 17 (Глыбоччына).  Паводле ягоных словаў, сябры камісіі лічылі бюлетэні са скрыняў датэрміновага, надомнага і сённяшняга галасавання асобна, але атрыманыя лічбы для назіральнікаў не агучвалі. 

Самі назіральнікі знаходзіліся на адлегласці каля 10-ці метраў ад стала, на якім вёўся падлік, і рэальна нешта ўбачыць практычна не мелі магчымасці. Быў вывешаны для азнаямлення толькі выніковы пратакол.

“Праваабаронцы за свабодныя выбары”