Верхнядзвінск: Рэкордныя лічбы сапсаваных бюлетэняў

Цікавыя факты выявіліся пры падліку галасоў у Верхнядзвінску. На тых участках, дзе кандыдатамі былі  прадстаўнікі Беларускай сацыял-дэмакратычнай партыі “Грамада”, выяўлена вельмі вялікая колькасць сапсаваных і насапраўдных бюлетэняў – да 120 на ўчастак.

- Найбольш уразілі мяне асабіста лічбы, агучаныя камісіямі пры падліку надомнага галасавання, - гаворыць Валянціна Кудлацкая, прадстаўнік “Грамады”. – Старыя і нямоглыя людзі, да якіх выклікаюць камісію, ніколі не будуць галасаваць “супроць усіх”. Яны абавязкова выбіраюць каго-небудзь з кандыдатаў. А тут па выніках – 2 галасы за аднаго, 4 за другога кандыдата, і 15 – “супроць усіх”. Мне як чалавеку з вопытам не адной выбарчай кампаніі, такія лічбы здаюцца вельмі падазронымі. Гэтаксама як і неапраўдана вялікая, нідзе нябачаная колькасць несапраўдных і сапсаваных бюлетэняў – каля 120 на ўчастак.

“Праваабаронцы за свабодныя выбары”