Віцебшчына: У вайсковай частцы прагаласавалі амаль 50% датэрмінова

У Віцебскай вобласці вайскоўцы паўсюдна масава ўдзельнічаюць у датэрміновым галасаванні. Вайскоўцы 103-й гвардзейскай асобнай мабільнай брыгады з в/ч 52287, дыслакаванай у г. Віцебску і на тэрыторыі якой размешчаны выбарчы ўчастак № 62, не выключэнне.

Да завяршэння датэрміновага галасавання з 896 выбаршчыкаў сваім выбарчым правам скарысталіся каля паловы вайскоўцаў, прыпісаных да гэтага воінскага падраздзялення.

Галасаванне праходзіла пад пільным назіраннем супрацоўнікаў ідэалагічнага аддзялення часткі. Асабістаму складу, вялікая частка якога ўпершыню ў сваім жыцці прымае непасрэдны ўдзел у падобнай палітычнай падзеі, ідэолагі растлумачылі тэхнічныя тонкасці працэдуры галасавання. Сучасныя спадкаемцы “палітрукоў” прымалі непасрэдны ўдзел у арганізацыі сустрэч з кандыдатамі ў дэпутаты.

“Праваабаронцы за свабодныя выбары”