Гародня: Мясцовае прадстаўніцтва МТС турбуецца пра датэрміновае галасаванне?

Гарадзенскія абаненты мабільнага аператара МТС сёння, 23 красавіка, пачалі атрымліваць СМС-паведамленні пра датэрміновае галасаванне. Мясцовае прадстаўніцтва МТС інфармуе, ў якія дні і гадзіны можна датэрмінова прагаласаваць на выбарах дэпутатаў у мясцовыя саветы.

Напачатку ўзнікла пытанне: навошта камерцыйнай структуры ўмешвацца ў выбарчы працэс? Але ў хуткім часе высветлілася, што замоўцам масавай СМС-рассылкі  з’яўляецца Гарадзенскі аблвыканкам.

Як лічаць мясцовыя грамадскія праваабаронцы, такую рассылку па-сутнасці можна расцаніць як заклік да людзей галасаваць менавіта датэрмінова. Тым больш, што ў СМС-паведамленні нічога не сказана пра дзень асноўнага галасавання.

“Праваабаронцы за свабодныя выбары”