Віцебск: Агітацыйны плакат кандыдата ад Партыі БНФ палічылі “хуліганскім”

У дзвюх віцебскіх школах - № 40 і № 43 актывісту Партыі БНФ, кандыдату ў дэпутаты па Чарняхоўскай выбарчай акрузе №55 у Віцебскі абласны Савет дэпутатаў Аляксандру Кузняцову адмовілі ў праве змясціць агітацыйны плакат на выбарчых участках.

Прадстаўнікі адміністрацый навучальных устаноў заявілі, што плакат, дзе размешчаны партрэт кандыдата і гарадская елка  з бел-чырвона-белым нацыянальным сцягам на верхавіне, з'яўляецца хуліганскім. Як лічыць малады палітык, такім чынам парушаецца яго правы на перадвыбарчую агітацыю, у сувязі з чым ён напісаў заяву ў абласную выбарчую камісію.

“Праваабаронцы за свабодныя выбары”