Гарадзеншчына: Кандыдаты ад БСДГ “адказалі” за развал Савецкага Саюзу

На мінулыя выходныя кандыдаты ў дэпутаты ад БСДГ па Гарадзенскай вобласці праводзілі сустрэчы з выбаршчыкамі. Каб падтрымаць сваіх аднапартыйцаў, на гэтыя сустрэчы прыехаў кіраўнік партыі Станіслаў Шушкевіч. Сустрэчы адбыліся ў Свіслачы, Лунне і Поразаве.  Ні на адной з сустрэчаў не прысутнічалі ні старшыні, ні сябры камісіяў. Не было і мясцовага кіраўніцтва. Затое паўсюдна прысутнічалі супрацоўнікі ідэалагічных аддзелаў, якія прыйшлі з зарань падрыхтаванымі правакацыйнымі пытаннямі, кшталту “Навошта вы развалілі Савецкі Саюз”, якія аніякага дачынення да выбарчай тэматыкі не мелі. “Ідэолагі” вялі доўгія маналогі, не даючы тым самым задаць пытанні іншым прысутным, і, па сутнасці, тым самым зрывалі сустрэчы кандыдатаў з грамадскасцю.

“Праваабаронцы за свабодныя выбары”