Пракурор Гарадзенскай вобласці не бачыць парушэнняў выбарчага заканадаўства

Гарадзенскі праваабаронца Раман Юргель, прадстаўнік Беларускага Хельсінкскага Камітэту, атрымаў адказ ад пракурора Гарадзенскай вобласці Віктара Марозава на скаргу аб парушэнні выбарчага заканадаўства.

Нагадаем, што па меркаванні праваабаронцы быў парушаны артыкул 34 ВК, згодна з якім рашэнні адміністрацый Ленінскага і Кастрычніцкага раёнаў Гародні па фармаванні ўчастковых выбарчых камісій мусілі быць апублікаваныя ў “Гродзенскай праўдзе” ў сямідзённы тэрмін з дня прыняцця. Гэты тэрмін не быў вытрыманы.

На скаргу, адрасаваную ў Генеральную пракуратуру, быў атрыманы адказ з аддзелу па нагляду за выкананнем правоў і свабодаў грамадзянаў, які дапускаў мажлівыя парушэнні заканадаўства. Аднак пракурор Гарадзенскай вобласці палічыў, што парушэнняў не было.

“Праваабаронцы за свабодныя выбары”