Начальнік ваенкамата пагадзіўся на дэбаты з незалежным кандыдатам

У Салігорску прадстаўнікі штаба незалежнага кандыдата Аляксея Валабуева атрымалі станоўчы адказ на прапанову правесці дэбаты паміж кандыдатамі па выбарчай акрузе №13. Канкурэнт Валабуева ваенны камісар палкоўнік Валеры Заінчкоўскі даў прынцыповую згоду на публічныя дэбаты ў клубе “Будаўнік”.

Для мясцовых выбараў падзея ўнікальная ў межах усёй краіны. Прэцэндэнтам з’яўляецца і факт дыскусіі паміж незалежным кандыдатам і прадстаўніком дзеючай улады ў форме публічнага і адкрытага дыялога.

Мяркуецца, што дэбаты адбудуцца 20 красавіка. Адпаведная заяўка ўжо пададзена ў раённую камісію. У штабе Валабуева разлічваюць на сто ўдзельнікаў сумеснай сустрэчы.

“Праваабаронцы за свабодныя выбары”