Гомельскіх кіроўцаў абвіначваюць у распаўсюдзе "непраўдзівай інфармацыі"

У Гомелі пачаліся рэпрэсіі супраць удзельнікаў акцыі пратэсту кіроўцаў аўтобусаў, якая адбылася 5 сьнежня. Кіроўцаў па адным выклікаюць у кабінет дырэктара аўтобуснага парка нумар адзін і аказваюць псіхалагічны ціск. Так, актывісту Партыі БНФ Андрэю Баранаву дырэктар аўтопарку пагражаў тым, што супраць яго КДБ рыхтуе "справу" за арганізацыю несанкцыянаванага мітынга і перадачу "непраўдзівых зьвестак" Радыё Свабодзе.