У Ельскім раёне выбары будуць безальтэрнатыўныя

У Ельскім раёне выбары будуць безальтэрнатыўныя. Як паведамляе раённая газета «Народны голас», у Ельскім раёне ўтвораны 135 акругаў.

Для выбараў у раённы Савет ўтворана 40 акругаў, столькі ж пададзена заяў на рэгістрацыю кандыдатамі ў дэпутаты. Утворана адна акруга па выбарах дэпутата абласнога Савета, у склад якой увайшлі Ельскі і Нараўлянскі раёны, і пададзена адна заява на рэгістрацыю кандыдатам у дэпутаты аблсавета.

У 8 сельскіх Саветах Ельскага раёна ўтвораны 95 выбарчых акругаў па выбарах дэпутатаў сельсаветаў, пададзена 96 заяў на рэгістрацыю кандыдатамі ў дэпутаты сельскіх Саветаў.

Як ідуць справы з вылучэннем кандыдатаў у іншых раёнах вобласці, даведацца з некаторых раённых СМІ немагчыма, таму што такая інфармацыя там часта адсутнічае. Выключэнне складае газета «Калінкавічскія навіны», якая стабільна піярыць на сваіх старонках патэнцыйных дэпутатаў.

“Праваабаронцы за свабодныя выбары”